Report Lyric Error | Azlyricdb.com: Your Song Lyrics Database

Song title: Massimo Ranieri - Lacreme Napulitane

Edit By: 216.73.216.206

Mia cara madre,
Sta pe' trasí Natale,
E a stá luntano cchiù mme sape amaro...
Comme vurría allummá duje o tre biangale...
Comme vurría sentí nu zampugnaro!...

A 'e ninne mieje facitele 'o presebbio
E a tavula mettite 'o piatto mio...
Facite, quann'è 'a sera d''a Vigilia,
Comme si 'mmiez'a vuje stesse pur'io...

E nce ne costa lacreme st'America
A nuje Napulitane!...
Pe' nuje ca ce chiagnimmo 'o cielo 'e Napule,
Comm'è amaro stu ppane!

Mia cara madre,
Che só', che só' 'e denare?
Pe' chi se chiagne 'a Patria, nun só' niente!
Mo tengo quacche dollaro, e mme pare
Ca nun só' stato maje tanto pezzente!

Mme sonno tutt''e nnotte 'a casa mia
E d''e ccriature meje ne sento 'a voce...
Ma a vuje ve sonno comm'a na "Maria"...
Cu 'e spade 'mpietto, 'nnanz'ô figlio 'ncroce!

E nce ne costa lacreme st'America
A nuje Napulitane!...
Pe' nuje ca ce chiagnimmo 'o cielo 'e Napule,
Comm'è amaro stu ppane!

Mm'avite scritto
Ch'Assuntulella chiamma
Chi ll'ha lassata e sta luntana ancora...
Che v'aggi''a dí? Si 'e figlie vònno 'a mamma,
Facítela turná chella "signora".

Io no, nun torno... mme ne resto fore
E resto a faticá pe' tuttuquante.
I', ch'aggio perzo patria, casa e onore,
I' só' carne 'e maciello: Só' emigrante!

E nce ne costa lacreme st'America
A nuje Napulitane!...
Pe' nuje ca ce chiagnimmo 'o cielo 'e Napule,
Comm'è amaro stu ppane!

All lyrics are property of their respective authors, artists and labels and are strictly for non-commercial use only.
Copyright © 2009-2026 Azlyricdb.com. All Rights Reserved | Privacy policy | Blog